काठमाडौं । आज सोमबार पनि सुनको भाउ बढेको छ । हिजो आइतबार तोलाको १ लाख १ हजार ९ सय रुपैयाँमा कारोबार भएको छापावाला सुनको भाउ आज तोलामा ११ सय रुपैयाँले बढेर प्रतितोला १ लाख ३ हजार रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
आज तेजाबी सुनको भाउ पनि तोलामा ११ सय रुपैयाँले नै बढेर प्रतितोला १ लाख २ हजार ५ सय रुपैयाँमा कारोबार भइरहेको छ । आज चाँदीको भाउ तोलामा १० रुपैयाँले बढेर तोलाको १४ सय २५ रुपैयाँमा कारोबार भइरहेको छ ।
