काठमाडौं । कारोबारमा आएको पाँचौँ दिन आज आइतबार पनि हिमालयन रिइन्स्योरेन्सको शेयरभाउमा सकारात्मक सर्किट लागेको छ।
आज कारोबारको खुलेको ५ मिनेटमै हिमालयन रिइन्स्योरेन्सको शेयरभाउमा ९.९९ प्रतिशतको बढोत्तरीका साथ पोजिटिभ सर्किट लागेको हो। योसँगै हिमालयन रिइन्स्योरेन्सको शेयरभाउ बढेर ४९७.८० रुपैयाँ पुगेको छ।
मार्केट डेप्थमा आज पनि यो कम्पनीको शेयरमा खरिदचाप देखिएको छ। यो समाचार तयार पर्दासम्म १९ लाख ६१ हजार ८५ हजार कित्ता शेयर खरिद अर्डर परेको छ। बिक्रीतर्फ भने एक कित्ताका लागि पनि अर्डर परेको छैन।
यो कम्पनीको शेयर सर्वसाधारणले २०६ रुपैयाँमा किनेका थिए। यो हिसाबले आइपीओमा लगानी गरेकाहरुले आजसम्म २९१.८ रुपैयाँ कमाइसकेका छन्। यो हिसाबले लगानीकर्ताले यो कम्पनीको शेयरबाट पाँच दिनमा १४१.६५ प्रतिशत रिटर्न पाइसकेका छन्।
