हिमालयन जनरल इन्स्योरेन्स कम्पनीले चालु आर्थिक वर्ष २०७५/७६ को दोस्रो त्रैमासको अवधिमा ७२ करोड ७९ लाख ३५ हजार रुपैयाँ कुल बीमा शुल्क आर्जन गरेको छ । गत आवको सोही अवधिको तुलनामा यो ४०.९५ प्रतिशतले बढी हो । गत आवको सोही अवधिमा कम्पनीले ५१ करोड ६४ लाख १६ हजार रुपैयाँ कुल बीमा शुल्क आर्जन गरेको थियो ।
कम्पनीले प्रकाशन गरेको चालु आवको दोस्रो त्रैमासको वित्तीय विवरण अनुसार २५ हजार १ सय १९ बीमालेख कायम भएका छन् । चालु आवको सोही अवधिको तुलनामा यो ३३.८४ प्रतिशतले बढी हो । कम्पनीमा गत पुस मसान्तको अवधिमा १८ हजार ७ सय ६७ बीमालेख जारी रेहका थिए ।
कम्पनीले पुस मसान्तको अवधिमा २६ करोड ९८ लाख २८ हजार रुपैयाँ दाबी भुक्तानी गरेको छ । गत आवको सोही अवधिका कम्पनीले १४ करोड ७६ लाख २३ हजार रुपैयाँ दाबी भुक्तानी गरेको थियो । कम्पनीको भुक्तानी हुन बाकी दाबी संख्या १२ सय ४५ रहेको छ । गत आवको सोही अवधिमा कम्पनीमा भुक्तानी हुन बाकी दाबी संख्या ११ सय ४८ रेहको थियो ।
चालु आर्थिक वर्ष ७५ ७६ को दोस्रो त्रैमासको अवधिमा कम्पनीले ८ करोड ६० लाख ८ हजार रुपैयाँ खुद नाफा कमाएको छ । गत आवको सोही अवकिो तुलनामा यो ६८ प्रतिशतले बढी हो । गत आवको पुस मसान्त सम्ममा कम्पनीले ५ करोड १० लाख रुपैयाँ खुद नाफा आर्जन गर्न सफल भएको थियो ।
हिमालयन इन्स्योरेन्सको चुक्ता पूँजी १ अर्ब भन्दा माथि रहेको छ ।
कम्पनीको प्रति शेयर आम्दानी ८ रुपैयाँ ३७ पैसा रहेको छ । पि.ई अनुपात ४७ रुपैयाँ ५३ पैसा रहेको छ । यस्तै कम्पनीको प्रति शेयर नेटवर्थ १ सय ६३ रुपैयाँ १५ पैसा रहेको छ भने प्रति शेयर कुल सम्पत्तिको मूल्य २ सय ७५ रुपैयाँ ०८ पैसा रहेको छ ।
