काठमाडौं । दोश्रो बजारलाई हाईड्रोपावरले लगानीकर्तालाई धोका दिँदै आएको छ । साताको अन्तिम कारोवार दिन श्रावण ८ गते दोश्रो बजारमा कारोवार भएका ३३ वटा हाईड्रोपावर कम्पनीलाई आधार मान्दा अवस्था निकै नाजुक बन्दै गएको देखिन्छ ।
३३ हाईड्रो पावर कम्पनी मध्य चिलिमे हाइड्रोपावरको बजार मूल्य सबै भन्दा धेरै ४०४ रुपैयाँ रहेको छ , त्यस्पस्चात बुटवल पावर कम्पनीको बजार मूल्य ३५८ रुपैयाँ प्रति कित्ता बजार मूल्य बन्द भएको छ। देशकै ठूलो जलविधुत आयोजना अपर तामाकोशी २३२ रुपैयाँमा कारोवार बन्द भएको छ।
३३ हाईड्रोपावर कम्पनी मध्य १६ वटा हाईड्रोपावर कम्पनीको बजार मूल्य एक सय रुपैयाँ माथि रहेको छ भने बाँकी १७ हाईड्रोपावर कम्पनीको बजार मूल्य अंकित मूल्य एक सय भन्दा पनि मुनी रहेको छ।
अझै ४ हाईड्रोपावरको बजार मूल्य ५० रुपैयाँ प्रति कित्ता भन्दा पनि थोरै रहेको छ। आँखुखोला जलविधुत, दिव्यश्वरी हाईड्रोपावर, खानीखोला हाईड्रोपावर र जोशी हाईड्रोपावरको बजार मूल्य प्रति कित्ता ५० रुपैयाँ भन्दा मुनी रहेको छ।
नोट : श्रावण ८ गतेको बजार मूल्यको आधारमा
