काठमाडौं । सिंगटी हाइड्रो इनर्जी लिमिटेडले संस्थापक, स्थानीय बासिन्दा र कर्मचारीलाई बाँडफाँड गरेको शेयरको ‘लक इन’ अवधि चैत २६ गते पछि सकिने भएको छ । कम्पनीले एक सूचना जारी गर्दै यस्तो जनाएको हो । अब चैत २६ गतेपछि संस्थापक शेयरधनी, स्थानीय बासिन्दा र कर्मचारीले होल्ड गरेको शेयर कारोबार गर्न योग्य हुनेछ ।
कम्पनीको १ करोड १ लाख ५० हजार कित्ता संस्थापक शेयर, १४ लाख ५० हजार कित्ता स्थानीयको शेयर र ५८ हजार कित्ता कर्मचारीको शेयर लक इन रहेको उक्त शेयर चैत २६ गतेबाट कारोबार योग्य हुनेछ ।
कम्पनीले सर्वसाधारणलाई २०७७ चैत २७ गते शेयर बाँडफाँड गरेको थियो । उक्त मितिबाट ३ वर्षसम्म संस्थापक शेयरधनी, स्थानीय बासिन्दा र कर्मचारीहरुको शेयर लक इनमा राख्नुपर्ने व्यवस्था रहेको छ ।
1709785407771
