काठमाडौं । नेपाल धितोपत्र बोर्ड (सेबोन)ले सानिमा मिडिल र मकर जितुमाया हाइड्रोपावर कम्पनीलाई आइपीओ निष्कासन गर्न अनुमति दिएको छ ।
सानिमा मिडिल हाइड्रोपावरले कम्पनीको चुक्ता पूँजीको २५ प्रतिशतले हुन आउने ८३ करोड ३१ लाख २५ हजार रुपैयाँ बराबरको प्रति कित्ता १०० रुपैयाँ अंकित दरले ८३ लाख ३१ हजार २५० कित्ता आइपीओ जारी गर्नेछ । यस कम्पनीको आइपीओ बिक्रि प्रबन्धकमा भने सानिमा क्यापिटल रहेको छ ।
यसैगरी मकर जितुमाया हाइड्रोपावर कम्पनीले चुक्तापूँजीको ३० प्रतिशतले हुन आउने २२ करोड ८० लाख रुपैयाँको आईपीओ जारी गर्नेछ । प्रति कित्ता १०० रुपैयाँ अंकितका दरले कुल २२ लाख ८० अजार कित्ता शेयर निष्कासन गर्नेछ । यस कम्पनीको आइपीओ बिक्रि प्रबन्धकमा भने प्रभु क्यापिटल रहेको छ ।
