काठमाडौँ । सांग्रिला डेभलपमेन्ट बैंक लिमिटेडले नेपाल स्टक एक्सचेञ्ज लाई स्पष्टिकरण बुझाएसँगै बैंकको शेयर कारोबार पनि फुकुवा भएको छ ।
बैंकले नेप्सेलाई सञ्चालक समितिको बैठक सकिनासाथ तुरुन्त जानकारी उपलब्ध गराउने मनासायका साथ सूचना पठाइएको भन्दै अब त्यस्ता प्रकारको कमी कमजोरी नगर्ने भनी स्पष्टिकरण पठाएको सुचनामा बताएको छ ।
नेप्सेले यसअघि बैंकले लाभांश घोषणा गरेको सूचना कारोबार समयमा नै नेप्सेमा पठाएको भन्दै धितोपत्र सूचीकरण विनियमावली, २०७५ को विनियम २२(१) (घ) मा भएको व्यवस्था बमोजिम धितोपत्र मूल्यमा प्रभाव पार्ने, सूचना, जानकारी तथा निर्णय सिर्जना भएको सोही दिन अथवा भोलिपल्ट कारोबार खुल्नु अघि बुझाउनु पर्नेमा बैंकले उक्त व्यवस्था पालना नगरेको भनी कारोबार रोक्का गरेको थियो ।
