काठमाडौं । समता लघुवित्त वित्तीय संस्था लिमिटेड र घरेलु लघुवित्त वित्तीय संस्था लिमिटेडबीच सोमबार एक आपसमा गाभ्ने गाभिने तथा प्राप्ति सम्झौता भएको छ।
लघुवित्त सञ्चालक समितिको जेठ २३ गते सम्पन्न ९५ औं बैठकको निर्णय अनुसार आज असार १ गते सोमबार सैद्धान्तिक सहमति पत्रमा हस्ताक्षर भएको हो।
समता लघुवित्तका कम्पनी सचिव विश्व श्रेष्ठका अनुसार दुई लघुवित्तबीच १०० बराबर ८० शेयर स्वाप रेसियोमा मर्जर हुने प्रारम्भिक सम्झौता भएको हो। उनका अनुसार दुबै कम्पनीको सम्पत्ति तथा दाायित्व मूल्याङ्कन प्रतिवेदनका आधारमा अन्तिम निर्णय हुनेछ।
बारा जिल्लाको जितपुरसिमरा उपमहानगरपालिका वडा नम्बर २ मा केन्द्रीय कार्यालय रहेको समता लघुवित्तले १० जिल्लामा २४ शाखा मार्फत सेवा प्रदान गर्दै आएको छ । यस्तै, काभ्रेपलाञ्चोक जिल्ला बनेपा नगरपालिका वडा नम्बर ८ मा केन्द्रीय कार्यालय रहेको राष्ट्रिय स्तरको कार्यक्षेत्र रहेको घरेलु लघुवित्तको ११ जिल्लामा १३ वटा शाखा रहेको संस्थाले जनाइएको छ ।
