काठमाडौं । बिहीबार नेप्से सूचक दोहोरो अंकले सुधार हुँदा सर्वाधिक धेरै अपर तामाकोशीको शेयर मूल्यमा सुधार भएको छ । अपर तामाकोशीको शेयर मूल्य ७.१४ प्रतिशतले सुधार हुँदा ५४० रुपैयाँ कायम भएको छ । दोस्रो धेरै बढ्नेमा रिभर फल्स पावर रहेको छ । रिभर फल्सको शेयर मूल्य ६.३९ प्रतिशतले बढेर २३३ रुपैयाँमा कारोबार भएको छ ।
धेरै समय पछि बोटलर्स नेपालको शेयर मूल्यमा सुधार देखिएको छ । लाभांश दिने पुर्वसन्ध्यामा कम्पनीको शेयर मूल्य ७८० रुपैयाँले बढेर १३५३० रुपैयाँ पुगेको छ । सर्वाधिक धेरै बढ्नेमा अन्य कम्पनीहरु क्रमश गणपती लघुवित्त ५.५४ प्रतिशत, स्वाबलम्बन ५.५३ प्रतिशत, मैलुख खोला ५.१३ प्रतिशत, निर्धन उत्थान लघुवित्त ५.१२ प्रतिशत, साधना लघुवित्त ४.९७ प्रतिशत, मिथिला लघुवित्त ४.८८ प्रतिशतले बढेको छ ।
