काठमाडौं । आज शेयर बजार खुलेको आधा घन्टाभित्रै ३ अर्ब रुपैयाँ बढीको कारोबार भएको छ।
बजार आज खुलेदेखि नै रौनक छाएको छ। यो समाचार तयार पार्दासम्म नेप्से परिसूचक ४४.८३ अंकले बढेर २७४१.४८ को विन्दुमा कारोबार भइरहेको छ। नेप्से उपसमूहमा रहेका सबै समूहमा हरियाली छाएको छ। विशेषगरी वित्त समूहमा चमक देखिएको छ। यो ५ प्रतिशत बढीले बढिसकेको छ।
यसैगरी होटेल तथा पर्यटनमा ४ प्रतिशत तथा लगानी र अन्य समूहमा ३ प्रतिशत माथिको बढोत्तरी देखिएको छ।
अहिलेसम्म १९७ कम्पनीको शेयरभाउ बढेको छ भने ३८ वटाको घटेको छ। ५ कम्पनीको शेयरभाउ स्थिर रहेको छ।
अहिलेसम्म बजारमा ३ अर्ब १३ करोड ५८ लाख रुपैयाँबराबरको कारोबार भइसकेको छ। सर्वाधिक कारोबार हिमालयन रिइन्स्योरेन्सको भइरहेको छ।
