काठमाडौं । साताको पहिलो कारोबार दिन आइतबार शेयर बजारमा हरियाली छाएको छ। बजार परिसूचक ९४.५३ अंकले बढ्दा २८६०.९१ को विन्दुमा बन्द भएको छ।
भारी अंकले बढेको बजारमा आज दैनिक कारोबार रकमले नयाँ रेकर्ड कायम गरेको छ। आज २५ अर्ब ७७ करोड ९४ लाख रुपैयाँ बढीको कारोबार भएको छ। जुन नेपाली शेयर बजारको इतिहासमै उच्च हो।
कारोबारले रेकर्ड बनाएको आज दिन सबै १३ वटै उपसमूहमा हरियाली छाएको छ। आज जीवन बीमा समूह सर्वाधिक ४.५५ प्रतिशतले बढेको छ। यो दिन हिमालयन रिइन्स्योरेन्सको उच्च कारोबार भएको छ।
आज उच्च कारोबार भएका १० कम्पनी
- हिमालयन रिइन्स्योरेन्सः १ अर्ब ५२ करोड २० लाख रुपैयाँ
- शिवम सिमेन्टः १ अर्ब १६ करोड ६४ लाख रुपैयाँ
- निफ्राः ६८ करोड २७ लाख रुपैयाँ
- नेपाल फाइनान्सः ५९ करोड ७४ लाख रुपैयाँ
- अपर तामाकोशीः ५५ करोड २५ लाख रुपैयाँ
- सोनापुर मिनरल्सः ५२ करोड ३९ लाख रुपैयाँ
- मैलुङ खोला जलविद्युतः ५१ करोड ८९ लाख रुपैयाँ
- अपी पावरः ४९ करोड ९५ लाख रुपैयाँ
- हिमाल दोलखा हाइड्रोपावरः ४० करोड ११ लाख रुपैयाँ
- हिमालयन लाइफः ३८ करोड ५१ लाख रुपैयाँ
