काठमाडौं । शेयर बजारमा आज सामान्य सुधार आएको छ।
नेप्से परिसूचक आज ३.३३ अंकले बढेर १८४१.०४ को विन्दु बन्द भएको छ। कारोबार हिजोको तुलनामा घटेर १ अर्ब १४ करोड रुपैयाँमात्रै भएको छ।
सामान्य सुधार आएको बजारमा ग्लोबल आइएमई लघुवित्तका शेयरधनीहरु मालामाल भए। यो लघुवित्तको शेयरमूल्यमा १० प्रतिशतको बढोत्तरीका साथ पोजिटिभ सर्किट लागेको छ। विजय लघुवित्तको शेयरभाउ पनि ८ प्रतिशत बढी बढेको छ।
उता आज सिंगटी हाइड्रोका शेयरधनीहरुले धेरै गुमाए। यो कम्पनीको शेयरभाउ ९ प्रतिशत बढीले घटेको छ।
