काठमाडौं । वोमी लघुवित्त वित्तीय संस्थाले शेयर लिलामी गर्ने भएको छ । लघुवित्तले संस्थापक समूहको ६२ हजार १८३.८० कित्ता सेयर बिहीबर कात्तिक २१ गते देखि लिलामीमा ल्याउने भएको हो ।
लिलामीमा आउने उक्त शेयर सर्वसाधारण, विभिन्न कम्पनी तथा संघ संस्थाले आवेदन दिन सक्नेछन् । यसअघि कम्पनीले असोज ६ गतेदेखि १३ गतेसम्म संस्थापक समूहको ७६ हजार ७०३.८० कित्ता र सर्वसाधारण समूहको ४६ हजार ५०९।२० कित्ता सेयर गरी कुल १ लाख २३ हजार २१३ कित्ता सेयर लिलामीमा ल्याएको जनाएको छ ।
त्यसबेला सर्वसाधारण समूहको सबै कित्ता बिके पनि संस्थापक समूहमा भने १४ हजार ५२० कित्तामा मात्र आवेदन परेपछि संस्थापक तर्फको बाँकी रहेको ६२ हजार १८३.८० कित्ता सेयर पुनः लिलामीमा ल्याइएको हो ।
यसमा न्यूनतम १०० रुपैयाँलाई आधार मानेर शिलबन्दी बोलपत्र पेश गर्नुपर्नेछ । कात्तिक २८ गतेसम्म आवेदन दिन सकिनेछ । लगानीकर्ताले संस्थापक सेयरमा न्यूनतम १ हजार कित्ता देखि अधिकतम ४० हजार कित्ताको लागि आवेदन दिन सक्नेछन् ।
बिक्री प्रबन्धक सिद्धार्थ क्यापिटल लिमिटेड नक्साल काठमाडौं तथा वोमीको केन्द्रीय कार्यालय भरतपुर चितवनबाट पनि आवेदन दिन सकिनेछ ।
त्यस्तै, सिद्धार्थ बैंकको विराटनगर, विर्तामोड वीरगञ्ज, जनकपुर, हेटौडा र नारायणगढ शाखाबाट पनि आवेदन दिन सकिनेछ । यस्तै, सिद्धार्थकै पोखरा, बाग्लुङ, बुटवल, घोराही, नेपालगञ्ज, सुर्खेत, धनगढी र महेन्द्रनगर शाखाबाट पनि लिलामी भर्न सकिने संस्थाले जनाएको छ ।
