काठमाडौं । २०८१ सालमा हुने कक्षा १२ को वार्षिक परीक्षा वैशाख १४ गतेबाट सुरु हुने भएको छ।
राष्ट्रिय परीक्षा बोर्डको परीक्षा नियन्त्रण कार्यालयले आज कक्षा १२ को वार्षिक परीक्षा तालिका सार्वजनिक गरेको हो। जसअनुसार साधारण, परम्परागत र प्राविधिक विषय समूहतर्फका नयाँ तथा पुरानो पाठ्यक्रमअनुसारका नियमित एवं ग्रेडवृद्धिको परीक्षा तालिका सार्वजनिक गरिएको छ।
वैशाख १४ गतेदेखि सुरु हुने परीक्षा वैशाख २६ गते सकिनेछ। पहिलो दिन अनिवार्य अंग्रेजी विषयको परीक्षा हुनेछ । परीक्षा सुरु हुनुभन्दा आधा घन्टाअगावै परीक्षा केन्द्र पुगिसक्नुपर्नेछ। परीक्षा सुरु भएको १५ मिनेटपश्चात उपस्थित हुने परीक्षार्थीलाई परीक्षामा सहभागी गराइने छैन।
