वैदेशिक रोजगारमा गएका नेपाली कामदारहरुको बीमाबापतको रकम अनलाइनबाटै भुक्तानी गर्न मिल्ने भएको छ ।
वैदेशिक रोजगार विभागले बीमा समितिलाई पत्र पठाउँदै विदेशमा रहेका कामदारले सम्बन्धित मुलुक हेर्ने नेपाली कूटनीतिक नियोगबाट बढीमा दुई पटक श्रम स्वीकृति लिन सक्ने व्यवस्था भएबमोजिम श्रम स्वीकृति लिँदा कामदारहरुले बुझाउनुपर्ने कल्याणकारी कोषको रकम तथा बीमाबापत बुझाउनुपर्ने रकम अनलाइनबाट भुक्तानी गर्नुपर्ने उल्लेख छ ।
कल्याणकारी कोषमा दाखिला गर्नुपर्ने रकम नेपाल राष्ट्र बैङ्कबाट स्वीकृति प्राप्त अनलाइन भुक्तानी सेवाप्रदायकबाट भुक्तानी गर्न सक्ने उल्लेख छ । अनलाइन भुक्तानीका लागि प्रभु पे, खल्ती, ई सेवा, कनेक्ट आईपीएस आदिबाट गर्न सकिने व्यवस्था मिलाइएको विभागको भनाइ छ ।
यस अघि नै बीमा समितिले वैदेशिक रोजगारमा रहेका श्रमीकहरुको बीमा पुल मार्फत गराउने व्यवस्था गरेको थियो । 
