काठमाडाैं । वैदेशिक राेजगारीका लागी गत आर्थिक वर्षमा ७ लाख भन्दा बढी नेपाली यूवा विदेशिएका छन् । वैदेशिक राेजगार विभागले सार्वजनिक गरेकाे तथ्यांक अनुसार गत आव २०७९।८० मा ७ लाख ७१ हजार यूवा वैदेशिक राेजगारका लागी वैधानिक माध्यमबाट विदेशिएका हुन् ।
वैदेशिक राेजगारीका लागी वर्ष दिनकाे अवधिमा बाहिरिएका नेपाली यूवकमध्ये सर्वाधिक २३.५४ प्रतिशत मधेश प्रदेशकै रहेका छन् । मधेश प्रदेशमा काेशी नदी देखि पश्चिम बागमती नदी देखि पूर्वमा अवस्थित जिल्लाहरू सर्लाही, महाेत्तरी, धनुषा, सिराहा र सप्तरीबाट बाहिरिनकाे संख्या प्रत्येक जिल्लाबाट २० हजार भन्दा माथि रहेकाे छ । यसैगरी राैतहट, बारा र पर्साबाट बाहिरिने यूवककाे संख्या १० हजारकाे नजिक रहेकाे छ। मधेश प्रदेशबाट गत आवमा कूल १ लाख ८१ हजार ६१३ यूवाले श्रम स्वीकृती लिएका थिए ।
विभागका अनुसार वैदेशिक राेजगारका लागी श्रम स्वीकृति लिनेमा सर्वाधिक धनुषा जिल्लाका रहेका छन् ।धनुषाबाट मात्र वर्ष दिनकाे अवधिमा ३९ हजार ५७९ जनाले वैदेशिक राेजगारीका लागी श्रम स्वीकृति लिएका छन् । वैदेशिक राेजगारकाे क्रममा सर्वाधिक ठगिने र वैदेशिक राेजगार बीमा अन्तर्गतकाे बीमा दाबी भुक्तानी लिने क्रममा पनि ठगीकाे शिकार हुने कामदार र तिनकाे परिवारजन पनि मधेश प्रदेशकै हुन् ।
काेशी प्रदेशका १२ जिल्लाबाट १ लाख ५७ हजार यूवाले गत आवमा श्रम स्वीकृती लिएका छन् । याे कूल श्रम स्वीकृती लिएका यूवाकाे संख्याका आधारमा २०.३७ प्रतिशत हाे । झापाबाट ३३ हजार ५७० जनाले श्रम स्वीकृति लिएकाे विभागले जानकारी दिएकाे छ। वैदेशिक राेजगारीका लागी विदेशीनेहरुकाे संख्या धनुषापछि झापा ठूलाे हाे ।
विभागका अनुसार बागमती प्रदेशबाट गत आवमा १ लाख १६ हजार ९३२ जना यूवाले श्रम स्वीकृति लिएका छन् । श्रम स्वीकृती जारी गरिएकाेमा १५.१६ प्रतिशत हिस्सा बागमती प्रदेशले ओगटेकाे छ। यसैगरी गण्डकी प्रदेशबाट ९९ हजार ८३३ जनाले श्रम स्वीकृती लिएका छन् । याे १२.९४ प्रतिशत हाे । सुदूरपश्चिम प्रदेशबाट ३३ हजार ९७५ जनाले श्रम स्वीकृती लिएका छन् ।
