काठमाडौं । विश्वमा धनी र गरिबबीचको खाडल निरन्तर बढिरहेको छ। धनी निरन्तर धनी बन्दै गएका छन्। अर्बपतिको सम्पत्ति झनै बढ्दै गएको छ। योसँगै गरिबको संख्या पनि बढिरहेको छ। जनताको आम्दानी घट्दै गएको छ।
स्विट्जरल्यान्डको डाभोसमा जनवरी १५ मा सुरु भएको वर्ल्ड इकोनोमिक फोरमको वार्षिक बैठकमा जारी गरिएको अक्सफामको प्रतिवेदनमा यो दाबी गरिएको हो। प्रतिवेदनमा सन् २०२० यता विश्वका पाँच धनीव्यक्तिको सम्पत्ति दोब्बरभन्दा बढी भएको दाबी गरिएको छ। यो सिलसिला जारी रहेमा एक दशकभित्र विश्वले पहिलो ट्रिलियनियर पाउने प्रतिवेदनमा उल्लेख छ।
विश्वका पाँच धनीव्यक्तिको सम्पत्ति सन् २०२० यता दोब्बरले बढेको छ। विश्वले एक दशकमा पहिलो ट्रिलियनियर प्राप्त गर्न सक्छ। यो क्रम जारी रह्यो भने आगामी २२९ वर्षसम्म गरिबीको अन्त्य हुँदैन।
बैठकको पहिलो दिन सोमबार आफ्नो वार्षिक असमानता प्रतिवेदन सार्वजनिक गर्दै अक्सफामले यस्तो जानकारी दिएको हो। प्रतिवेदनका अनुसार विश्वका १० ठूला कर्पोरेसनमध्ये सातमध्ये सीईओ वा प्रमुख शेयरहोल्डर अर्बपति छन्। १४८ शीर्ष कर्पोरेसनले १.८ ट्रिलियन डलरको नाफा कमाए, जुन ३ वर्षको औसतभन्दा ५२ प्रतिशतले बढी हो। धनी शेयरहोल्डसहरुलाई ठूलो भुक्तान गरिएको थियो। जब कि लाखौँले वास्तविक अवधिको तलब कटौतीको सामना गर्नुपरेको थियो।
असमानता र विश्वव्यापी कर्पोरेट शक्तिसम्बन्धी अक्सफामको प्रतिवेदनमा विश्वका पाँच धनीव्यक्तिको सम्पत्ति २०२० यता प्रतिघण्टा १.४ करोड डलरको दरले ४०५ अर्ब डलरबाट दोब्बर बढेर ८६९ अर्ब डलर पुगेको उल्लेख छ। झन्डै पाँच अर्ब जनता गरिब भइसकेका छन्। यदि यो प्रवृत्ति जारी रह्यो भने एक दशकभित्र संसारमा पहिलो खर्बपति प्राप्त हुनेछ। तर, गरिबी अर्को २२९ वर्षसम्म समाप्त हुने छैन। –एजेन्सी
