काठमाडौं । एमए डब्लुका गाडी किन्न लुम्बिनी विकास बैंकबाट कर्जा पाईने भएको छ । लुम्बिनी विकास बैंक र एमए डब्लु अटो कोर्प प्रा.लि. तथा एम ए डब्लु कमर्सियल भेहिकल्सबिच फोटन र चङ्गन ब्राण्डका ब्यक्तिगत तथा व्यवसायिक प्रयोजनका सवारी साधन खरिद गर्ने ग्राहकहरुलाई लगानी गर्ने सम्झौता भएको हो ।
यस सम्झौतापत्रमा लुम्बिनी विकास बैंकको तर्फबाट बरिष्ठ नायब प्रमुख कार्यकारी अधिकृत पवन ढकाल र एमए डब्लु अटो कोर्प तथा एमए डब्लु कमर्सियल भेहिकल्सको तर्फबाट प्रबन्ध निर्देशक विबेक सिकारीयाले संयुक्त रुपमा हस्ताक्षर गरेका छन् ।
सम्झौतापत्रमा उल्लेख भएअनुसार उक्त सुबिधा ग्राहकहरुले बैंकको सबै शाखाहरुबाट लिन सक्नेछन् । सवारी साधन खरिद गर्न चाहने ग्राहकहरुले सो सेवा बिक्रेताको देश भरी रहेको १३ वटा शोरुम मार्फत खरिद गर्न सक्ने बैंकले जनाएको छ।
लुम्बिनी विकास बैंक लिमिटेडले हाल देशका सातवटै प्रदेशमा गरी ८६ वटा शाखाहरु मार्फत सेवा दिदै आएको छ ।
