लुम्बिनी विकास बैंकले आर्थिक वर्ष ७५/७६ को तेश्रो त्रैमासको रिपोर्ट सार्वजनिक गरेको छ। कम्पनीले चुक्ता पुँजी २ अर्ब २० करोड छ भने जगेडा कोषमा १ अर्ब ४६ करोड संचित छ। जगेडा कोष ४६ प्रतिशतले वृद्धि भएको छ।
कम्पनीको खुद नाफा ८६ प्रतिशतले वृद्धि भएको छ। कम्पनीले ३४ करोड ३४ लाख खुद नाफा गरेको छ भने कम्पनीको प्रति शेयर आम्दानी २० रुपैया ७३ पैसा छ।
कम्पनीको मूल्य आम्दानी अनुपात ८ दशमलव ५९ गुणा छ।
निक्षेप २५ प्रतिशतले वृद्धि हुँदै २४ अर्ब ३५ करोड पुगेको छ भने कर्जा २८ प्रतिशतले वृद्धि हुँदै २२ अर्ब ३६ करोड पुगेको छ।
खराब कर्जा १८ प्रतिशतले कम हुँदै २ दशमलव १३ प्रतिशतमा आएको छ। तेश्रो त्रैमास सम्म कम्पनीले कुनै रकम प्रोभिजन गरेको छैन भने ७८ लाख ८९ हजार राईट व्याक गरेको छ।
