काठमाडौं । शेयर बजार लयमा फर्किन थालेको छ। अहिले नेप्से परिसूचक २७०० माथि उक्लिएको छ।
यो समाचार तयार पर्दासम्म (१ः४५)सम्म बजार ४८.३६ अंकले बढेर २७०१.९५ को विन्दुमा उक्लिएको छ। नेप्से उपसमूहमा रहेका १३ वटा समूहमध्ये ११ वटामा बढोत्तरी देखिएको छ भने २ वटामा गिरावट आएको छ। अहिलेसम्म अन्य समूह सर्वाधिक ३.३५ प्रतिशतले बढेको छ।
बजार बढ्दा २०५ कम्पनीको शेयरभाउ बढेको छ भने ३८ वटाको घटेको छ। एउटा स्थिर रहेको छ।
बजारमा अहिलेसम्म साढे ४ अर्ब रुपैयाँ बढीको कारोबार भइसकेको छ। सर्वाधिक कारोबार चन्द्रागिरी हिल्सको भएको छ।
अहिलेसम्म पाँचथर पावर कम्पनीको शेयरभाउ सर्वाधिक बढेको छ। यो कम्पनीको शेयरभाउ ९.३८ प्रतिशतले बढेको छ।
हिजो आइतबार पनि शेयर बजार ५६ अंकले बढेको थियो।
