नेशनल माइक्रोफाइनान्सले माबाइल बैंकिङ र एसएमएस बैंकिङको शुरुवात गरेको छ । माइक्रोफाइनान्स पाचौँ वर्ष पुरा गरी छैटौँ वर्षमा प्रवेश गरेको अवसर पारेर उक्त सेवा सुरु गरेको हो ।
मोवाइल बैकिङ सेवाको शुरुवात संस्थाका प्रमुख कार्यकारी अधिकृत रामवहादुर यादवले धादिङ शाखाकी सदस्य कोपिला श्रेष्ठको खातामा ५ सय जम्मा गरि गरेका हुन् । संस्थाको मोवाइल बैकिङ सेवाबाट युटिलिटी पेमेन्ट, मोवाइल रिचार्ज तथा रकम ट्रान्सफरको साथै अन्य सेवा प्राप्त गर्न सकिनेछ ।
त्यस्तै, एसएमएस. बैंकिङबाट सदस्यहरुले आफ्नो बचत तथा कर्जाको कारोबारको विवरण र अन्य सुचना एसएमएस. मार्फत जानकारी प्राप्त गर्नेछन् ।
पाचौँ वार्षिकोत्सवको अवसर पारेर संस्थाले धादिङको आमाको माया छात्रवासका २५ अनाथ बालबालिका लाई सहयोग समेत गरेको छ । संस्थाका प्रमुख कार्यकारी अधिकृत यादवले एक थान कम्प्युटर, खेलकुद समाग्री लगायत आवश्यक अन्य भौतिक सामाग्री छात्रवासका अध्यक्ष डा. नविनवन्धु पहाडीलाई हस्तान्तरण गरेका हुन् ।
वार्षिकोत्सवको अवसरमा संस्थाका देशैभरी रहेका शाखा कार्यालयहरुले आआफ्नो क्षेत्रमा सरसफाई, वित्तीय साक्षरता, बृद्धवृद्धालाई सहयोग एवम् अस्पतालका विरामीलाई फलफुल वितरण गरेका थिए ।
