काठमाडौं । नेसनल बैंकिङ इन्स्टिच्युट (एनबीआई)का लगानीकर्ताहरु मालामाल हुने भएका छन्। एनअबीआईले आफ्ना लगानीकर्ताहरुलाई आर्थिक वर्ष २०७९/८० का लागि ३१० प्रतिशत लाभांश वितरण गर्ने घोषणा गरेको हो।
कम्पनीको उक्त आर्थिक वर्षको मुनाफाबाट हाल कायम चुक्तापुँजीको २९५ प्रतिशत बोनस शेयर र कर प्रयोजनार्थ १५.५३ प्रतिशत नगद लाभांश वितरण गर्ने प्रस्ताव गरेको छ। प्रस्तावित लाभांश अनुमोदन गर्न कम्पनीले १५ औँ वार्षिक साधारणसभा (एजीएम) आउँदो पुस ५ गते दिउँसो ४ बजे काठमाडौंको होटेल याक एन्ड यतीमा गर्ने निर्णय गरेको छ।
वार्षिक साधारणसभाबाट लाभांश अनुमोदन भएपछि शेयरधनीहरुलाई वितरण गरिने कम्पनीले जनाएको छ।
सोही सभाले नेपाल बैंकर्स एसोसिएसनबाट अनिल शर्मा र नेपाल एसबीआई बैंकबाट राजेशकुमार पण्डालाई कम्पनीको स्वतन्त्र सञ्चालकमा गरिएको नियुक्ति अनुमोदन गर्नेछ।
सभाले अधिकृत पुँजी ४० करोड रुपैयाँ, जारी पुँजी ३० करोड रुपैयाँ र चुक्तापुँजी १९ करोड ७५ लाख रुपैयाँ काम गर्ने विशेष प्रस्ताव पनि स्वीकृत गर्नेछ।
कम्पनीप्रति स्वामित्वको भावाना विकास गर्न कम्पनीमा हाल कायम शेयरधनीहरुका अतिरिक्त क, ख, ग र घ वर्गका बैंक तथा वित्तीय संस्थाहरुका लागि जारी पुँजीको हदसम्म प्रतिशेयर १०० रुपैयाँका दरले शेयर जारी तथा बिक्री प्रस्ताव पनि सभाले अनुमोदन गर्नेछ।
