काठमाडौं । शेयर बजार मंगलबार बढेर २१०० माथि उक्लिएको छ। बजार लगातार ६ दिनदेखि बढिरहेको छ।
नेप्से परिसूचक आज २.२३ प्रतिशत अर्थात ४५.९८ अंकले बढेर २१०६.४८ को विन्दुमा बन्द भएको छ। बजार बढ्दा नेप्सेमा रहेका १३ वटै उपसमूह बढेका छन्। सबैभन्दा धेरै होटल तथा पर्यटन समूह ६.९४ प्रतिशतले बढेको छ।
आज १८३ कम्पनीको शेयरभाउ बढेको छ भने ५३ वटाको घटेको छ। ७ वटा कम्पनीको शेयरभाउ स्थिर रहेको छ।
आज शेयर बजारमा ५ अर्ब ९८ करोड ४६ लाख ९९ हजार १७५.७३ रुपैयाँमा किनबेच भएका छन्। यो दिन शिवम सिमेन्टको सर्वाधिक कारोबार भएको छ। यो कम्पनीको मात्रै ३७ करोड ४३ लाख रुपैयाँ बढीको शेयर किनबेच भएको छ।
आज १५ वटा कम्पनीको शेयरभाउमा सकारात्मक सर्किट लागेको छ।
