काठमाडौं । शेयर बजारको ओरालो यात्रा जारी रहेको छ। आज पनि नेप्से परिसूचक १३.०९ अंकले घटेर २६३२.९४ को विन्दुमा झरेको छ। दैनिक कारोबार पनि सुस्ताएको छ।
दोहोरो अंकले बजार घट्दा ११ वटा उपसमूहमा रातो पोतिएको छ भने व्यापार समूह बढेको छ। आज होटेल तथा पर्यटन समूह स्थिर रहेको छ।
बजारमा आज करिब सवा ७ अर्ब रुपैयाँको कारोबार भएको छ। सर्वाधिक कारोबार एचआईडीसीएलपीको भएको छ।
बजार घट्दा ६७ कम्पनीको शेयरभाउ बढेको छ भने १७० कम्पनीको घटेको छ। आज ८ कम्पनीको शेयरभाउ स्थिर रहेको छ।
आज मानुषी लघुवित्तको शेयरभाउमा १० प्रतिशत र थ्रीस्टार हाइड्रोपावरको शेयरभाउमा ९.९० प्रतिशतको बढोत्तरीका साथ सकारात्मक सर्किट लागेको छ।
