काठमाडौं । राष्ट्रिय वाणिज्य बैंकले करार सेवामा विशेषज्ञ नियुक्ति गर्ने भएको छ । बैंकले शैक्षिक योग्यता पुगेका इच्छुक आवेदकलाई यहि भदौ २८ गतेदेखि दरखास्त दिन आह्वान गरेको छ ।
बैंकले करार सेवामा ११ जना विशेषज्ञको माग गरेको छ भने सेवा अवधि भने १ वर्ष रहनेछ । आवेदकको योग्यता भने मान्यता प्राप्त शैक्षिक संस्थाबाट चार्टड एकाउन्टेन्सी उपाधि हासिल गरेको हुनुपर्नेछ । साथै काम गरेका र अनुभव भएकालाई विशेष प्राथमिकतामा दिइने बैंकले जनाएको छ । विज्ञापन मार्फत नियुक्त हुने करार विशेषज्ञहरुले बैंकको विभिन्न विभाग तथा कार्यालयमा रहि काम गर्नुपर्नेछ ।
तर, कुनै वात कसुर नलागेका, नेपाल सरकार वा कुनै वित्तिय सस्था संस्था, संघ संगठनबाट अयोग्य ठहर गरि जागिरबाट बरखास्त भएका, नैतिक पतन भई फैजदारी मुद्धामा अदालतले दोषी ठहर गरेका लगाएतका व्यक्तिले भने आवेदन दिन पाउने छैन ।
इच्छुक आवेदकले आवेदन खुल्ला भएको मिति भदौ २८ गतेले ७ दिनसम्म आवेदन दिन सक्ने बैंकले जनाएको छ ।
