काठमाडौं । राष्ट्रियस्तरका ८ विकास बैंकले चालु आर्थिक वर्ष २०८१।८२ को दोस्रो त्रैमासको वित्तीय विवरण सार्वजनिक गरिसकेका छन्।
सबै ८ विकास बैंक नाफामा रहेको अवस्थामा गरिमा विकास बैंकको सर्वाधिक प्रतिशेयर आम्दानी (ईपीएस) रहेको छ। बैंकको ईपीएस १९.३४ रुपैयाँ रहेको छ।
दोस्रो धेरै ईपीएस कामना सेवा विकास बैंकको रहेको छ। यो बैंकको ईपीएस १८.३७ रुपैयाँ रहेको छ। तेस्रोमा मुक्तिनाथ विकास बैंकको १४.२८ रुपैयाँ रहेको छ।
मूल्य आम्दानी अनुपात (पीई रेसियो)का आधारमा गरिमा विकास बैंकको सबैभन्दा कम पीई रेसियो रहेको छ। पछिल्लो शेयरमूल्यलाई आधार मान्दा गरिमा विकास बैंकको पीई रेसियो २०.५८ गुणा रहेको छ।
त्यस्तै दोस्रोमा कामना सेवा विकास बैंकको पीई रेसियो २४.७१ गुणा रहेको छ।
(नोटः उपलब्ध तथ्यांक कम्पनीले प्रकाशित गरेको वित्तीय विवरणबाट तयार गरिएको हो। यो विश्लेषण पूर्ण होइन। लगानीकर्ताले कारोबारको निर्णय लिनुअघि थप अनुसन्धान गर्नुपर्नेछ।)
