काठमाडौं । यो साता शेयर बजार साढे ७ प्रतिशत बढीले बढेको छ। नेप्से परिसूचकमा यो साता १४१.८३ अंकको बढोत्तरी भएको छ। यो भनेको ७.६५ प्रतिशत बढी हो।
चालु आर्थिक वर्षको मौद्रिक नीतिको समीक्षामार्फत नेपाल राष्ट्र बैंकले केही लचिलो नीति लिएपछि शेयर बजारमा गतिलो बाउन्स ब्याक भएको छ। नेप्से बाउन्स ब्याक हुँदा लगानीकर्ताको सम्पत्ति पनि २ खर्ब १४ अर्ब रुपैयाँ बढेको छ।
अघिल्लो साता बिहीबार बजार पुँजीकरण २८ खर्ब ६२ अर्ब रुपैयाँ थियो । यो साता बिहीबार बजार पुँजीकरण बढेर ३० खर्ब ७६ अर्ब रुपैयाँ रहेको थियो।
यो साता नेप्से उपसमूह रहेमा १३ वटै समूह उकालो लागेको छ।
