काठमाडौं । युनाइटेड इदी मर्दी एन्ड आरबी हाइड्रोपावरले आर्थिक वर्ष २०७९/८० का लागि लाभांश प्रस्ताव गरेको छ।
कम्पनी सञ्चालक समितिको आइतबार (माघ २१ गते) बसेको बैठकले उक्त आर्थिक वर्षको मुनाफाबाट हाल कायम चुक्तापुँजीको कुल ५.७८९ लाभांश प्रस्ताव गरेको हो। जसमा ५.५० प्रतिशतले हुन आउने २ करोड ३१ लाख रुपैयाँबराबरको बोनस शेयर र कर प्रयोजनार्थ ०.२८९ प्रतिशतले हुन आउने १२ लाख १५ हजार ७९० रुपैयाँबराबर नगद लाभांश छन्।
यसैबीच सञ्चालक समितिको बैठक लाभांश पारित गर्न १४ औँ वार्षिक साधारणसभा पनि डाकेको छ। सभा पोखराको घारीपाटनस्थित आभ्या क्लबमा बिहान ११ बजे सुरु हुनेछ।
सोही सभाले लाभांश अनुमोदन गरेपछि शेयरधनीहरुले पाउनेछन्। सभाले उक्त आर्थिक वर्षको वार्षिक तथा लेखापरीक्षकको पनि अनुमोदन गर्नेछ।
लाभांश र सभा प्रयोजनार्थ कम्पनीले आउँदो फागुन ४ गते बुक क्लोज गर्नेछ। यसको अर्थ फागुन ३ गतेसम्म कायम शेयरधनी यो कम्पनीको लाभांश पाउन र सभामा भाग लिन योग्य हुनेछन्।
