काठमाडौं । नेपाल स्टक एक्सचेन्ज (नेप्से)मा सूचीकृत २ कम्पनीको लाभांश सुरक्षित गर्ने आज मंसिर २४ गते अन्तिम दिन रहेको छ।
एनआईसी एसिया लघुवित्त र नेपाल हाइड्रो डेभलपर्सको लाभांश सुरक्षित गर्ने आज अन्तिम दिन रहेको हो। यी दुवै कम्पनीले वार्षिक साधारणसभा र लाभांश प्रयोजनार्थ भोलि मंसिर २५ बुक क्लोज गर्दैछन् । त्यसैले आजसम्म कायम शेयरधनीले यी दुवै कम्पनीको लाभांश पाउन र सभामा भाग लिन योग्य हुनेछन्।
एनआईसी एसिया लघुवित्तले आर्थिक वर्ष २०७९/८०का लागि करसहित १५ प्रतिशत लाभांश प्रस्ताव गरेको छ। प्रस्तावित लाभांश संस्थाको आउँदो पुस ६ गते हुने छैटौँ वार्षिक साधारणसभाबाट अनुमोदन भएपछि सेयरधनीहरुले पाउनेछन्।
यसैगरी नेपाल हाइड्रो डेभलपर्सले आर्थिक वर्ष २०७९/८० का लागि ७ प्रतिशत बोनस सेयर र कर प्रयोजनार्थ ०.३७५ नगद लभांश गरी कुल ७.३७५ लाभांश वितरण गर्ने प्रस्ताव गरेको छ। प्रस्तावित लाभांश कम्पनीको आउँदो पुस १२ गते हुने १२ औँ वार्षिक साधारणसभाबाट पारित भएपछि कार्यान्वयनमा आउनेछ।
