काठमाडौं । याक एण्ड यती होटेल लिमिटेडले आफ्नो ४७औं वार्षिक साधारण सभा बैशाख १३ गते गर्ने भएको छ । कम्पनीको साधारणसभामा संचालक समितिले पेश गरेको आर्थिक वर्ष २०७९/२०८० (२०२२/०२३) को संचालक समितिको ४७ औं वार्षिक प्रतिवेदन उपर छलफल गरी पारित गर्ने प्रस्ताव पेश हुने छ ।
त्यस्तै, लेखापरीक्षकको प्रतिवेदन सहितको लेखापरीक्षण गरिएको आर्थिक वर्ष २०७९/२०८० (२०२२/०२३) को वासलात, नाफा वा नोक्सान हिसाब र नगद प्रवाह विवरणहरु स्वीकृत गर्ने प्रस्ताव पेश हुने छ ।
कम्पनीको आर्थिक वर्ष २०८०/०८१ (सन् २०२३/०२४) को लागि लागि लेखापरीक्षक नियुक्त गर्ने र निजको पारिश्रमिक निर्धारण गर्ने प्रस्ताव पनि सभामा पेश हुने छ । कम्पनीको तर्फबाट संचालकले बैंकमा व्यक्तिगत जमानत दिने सम्बन्धी प्रस्ताव पनि सभामा पेश हुनेछ ।
