काठमाडौं । मोदी इनर्जीले चालु आर्थिक वर्षको दोस्रो त्रैमासको अपरिष्कृत वित्तीय विवरण सार्वजनिक गरेको छ। समीक्षा अवधिमा कम्पनीले १९ करोड ८६ लाख रुपैयाँ घाटा व्यहोरेको छ। अघिल्लो वर्ष यही अवधिमा कम्पनीले ४६ करोड ४७ लाख रुपैयाँ घाटा व्यहोरेको थियो।
दोस्रो त्रैमासमा विद्युत बिक्रीबाट १७ करोड ७७ लाख रुपैयाँ आम्दानी गरेको छ। अघिल्लो वर्ष यस्तो आम्दानी ३६ करोड १७ लाख रुपैयाँ थियो। विद्युत बिक्रीको आम्दानी पनि ५०.८६ प्रतिशतले घटेको छ।
समीक्षा अवधिमा कम्पनीले १४ करोड ४१ लाख रुपैयाँ सञ्चालन मुनाफा गरेको छ। अघिल्लो वर्ष यस्तो मुनाफा २८ करोड ७४ लाख रुपैयाँ थियो। सञ्चालन मुनाफामा पनि ४९.८७ प्रतिशतको संकुचन आएको छ।
चुक्तापुँजी २ अर्ब ९० करोड रुपैयाँ रहेको कम्पनीको रिजर्भ ९१ करोड ९६ लाख रुपैयाँले ऋणात्मक रहेको छ। अघिल्लो वर्ष पनि रिजर्भ ७२ करोड ९ लाख रुपैयाँ ऋणात्मक थियो।
कम्पनीको वार्षिक प्रतिशेयर आम्दानी (ईपीएस) १३.७० रुपैयाँले ऋणात्मक रहेको छ। अघिल्लो वर्ष ईपीएस १६.०२ रुपैयाँले ऋणात्मक थियो। पीई रेसियो १७.४४ गुणाले ऋणात्मक रहेको कम्पनीको प्रतिशेयर नेटवर्थ ६८.२९ रुपैयाँ रहेको छ।
