काठमाडौं । काठमाडौं महानगरपालिकाले मुक्तिनाथ विकास बैंकलाई नगद जरिवाना गरेको छ।
काठमाडौं–२ स्थित मुक्तिनाथ विकास बैंकको कार्यालयले सार्वजनिक सडकपेटी बिगारेबापत काठमाडौं महानगरपालिकाको कार्यालयले नगद जरिवाना गरेको हो।
महानगरले अन्य दण्ड जरिवानाबापत मुक्तिनाथ विकास बैंकलाई १० हजार रुपैयाँ नगद जरिवाना गरेको छ।
उक्त जरिवानाबापतको रकम मुक्तिनाथ विकास बैंकले माघ १८ गते महानगरपालिकाको कार्यालयमा दाखिला गरेको छ।
