काठमाडौं, वैशाख २ । मुक्तिनाथ विकास बैंकको डेपुटी प्रमुख कार्यकारी अधिकृतमा तारा मानन्धर नियुक्त भएका छन् । उनले आजै (आइतबार) देखि पद बहाली गरेका छन् ।
यसअघि प्रभु बैंकको नायब प्रमुख कार्यकारी अधिकृतको जिम्मेवारी सम्हालेका मानन्धरसँग विभिन्न वाणिज्य बैंकमा १७ वर्ष लामो कार्य अनुभव रहेको छ ।
मानन्धरले त्रिभुवन विश्वविद्यालयबाट एमबीए गरेका छन् ।
बैंकका डेपुटी प्रमुख कार्यकारी अधिकृत प्रद्युम्न पोखरेल प्रमुख कार्यकारीमा चयन भएपछि उनको ठाउँमा मानन्धरलाई ल्याइएको बैंकले जनाएको छ ।
