काठमाडौं । महिला लघुवित्त वित्तीय संस्थाको ६ लाख बढी कित्ता शेयरको लकइन अवधि फागुन १३ गते सकिने भएको छ।
महिला लघुवित्तको ६ लाख कित्ता संस्थापक शेयर र कर्मचारीको ५ हजार कित्ता शेयरको लकइन अवधि सकिन लागेको हो। महिला लघुवित्तले २०७७ साल फागुन १४ गते साधारण शेयरको बाँडफाँड गरेको थियो। फागुन १३ गतेपछि यी शेयर दोस्रो बजारमा कारोबारमा आउनेछन्।
बैंक तथा वित्तीय संस्थासम्बन्धी ऐन २०७३ को परिच्छेद ३ को दफा ११ मा भएको व्यवस्थाअनुसार संस्थापक शेयरधनीको पुस ३० गते नै लकइन समाप्त भइसकेको कम्पनीले जनाएको छ।
संस्थाको संस्थापक शेयर सदस्यमध्ये सञ्चालक सदस्यमा रहेका व्यक्ति तथा संस्थाको उच्च तहमा रहेका कर्मचारीले भने शेयर खरिदबिक्री गर्न नपाउने संस्थाले जनाएको छ।
