मल्टिपर्पोज फाइनान्सको आज सोमबार (असार २३ गते बाट ८६५ प्रतिशत (१ कित्ता बराबर ८.६५ कित्ता) हकप्रद सेयर खुला भएको छ । कम्पनीले ३५ लाख ८५ हजार २ सय ६४ कित्ता हकप्रद सेयर बिक्री खुला गरेको हो । साउन २६ गतेसम्म यस हकप्रदमा आवेदन दिन सकिनेछ । हकप्रद निष्काशन तथा बिक्री प्रबन्धकमा सिभिल क्यापिटल रहेको छ ।
मल्टिपर्पोजले प्रतिकित्ता १०० रुपैयाको दरले कुल ३५ करोड ८५ लाख २६ हजार ४०० रुपैयाँ बराबरको हकप्रद निष्कासन गरेको हो । हाल यस फाइनान्सको चुक्ता पुँजी ४ करोड १४ लाख ७३ हजार ६०० रुपैयाँ छ । हकप्रद बिक्रीपछि पुँजी ४० करोड रुपैयाँ पुग्नेछ ।
हकप्रदलाई इक्रा नेपालले कमजोर आधार जनाउने ग्रेड ५ रेटिङ प्रदान गरेको छ । हकप्रद बिक्रीबाट प्राप्त हुने रकममध्ये ७ं० प्रतिशत कर्जा तथा सापट, १५ प्रतिशत लगानी, १० प्रतिशत शाखा विस्तार र अन्यमा ५ प्रतिशत खर्च हुनेछ
