काठमाडौं । हिउँदे कार्यालय समय सकिए लगत्तै भोली मंगलबारदेखि सरकारी कार्यालय र सार्वजनिक संस्थाहरुको कार्यालय समय साँझ ५ बजेसम्म कायम हुने भएको छ। गत कात्तिक १६ देखि माघ १५ गतेसम्म हिउँदे समय अर्थात् बिहान १० देखि अपरान्ह ४ बजेसम्म कार्यालयहरु खुल्दै आएका थिए ।
अब २०८१ सालको कात्तिक १५ गतेसम्म शुक्रबार बाहेकको दिनमा कार्यालय समय बिहान १० बजेदेखि ५ बजेसम्म रहनेछ । शुक्रबार दिउँसो ३ बजेसम्म र शनिबार सधैंजसो साप्ताहिक बिदा रहनेछ। सरकारले २०७९ चैत्र २ गते राजपत्रमा सूचना प्रकाशन गर्दै २०८० सालका लागि कार्यालय समय तोकेको थियो ।
