काठमाडौं । धितोपत्र दोस्रो बजारमा आज माछापुच्छ्रे बैंकको संस्थापक शेयरको सर्वाधिक कारोबार भएको छ।
माछापुच्छ्रे बैंकको १ करोड ७ लाख ३७ हजार कित्ता संस्थापक शेयर किनबेच भएको छ। प्रतिकित्ता ११३ रुपैयाँमा कारोबार भएको छ। यो संस्थापक शेयरको १ अर्ब २१ करोड ३२ लाख ८१ हजार रुपैयाँबराबरको कारोबार भएको छ।
माछापुच्छ्रे बैंकका सबैभन्दा ठूला शेयरधनी सुरेन्द्र महतोले बिक्रीमा राखेको संस्थापक शेयर कर्मचारी सञ्चय कोषले खरिद गरेको हो। उक्त शेयर ब्रोकर नं. ४९ बाट बिक्री र ब्रोकर नं. ४८ बाट खरिद भएको हो।
