काठमाडौं । एनएमबि क्यापिटल लिमिटेडले आफ्नो संस्थागत सामाजिक उत्तर दायित्वअन्तर्गत बौद्ध विहार संघ महिला कमिटी ललितपुरका महिला सदस्यहरुका लागि मंगलबार पुल्चोकको अक्षेश्वर महाविहारमा लगानीसम्बन्धी जनचेतनामूलक र अन्तर्क्रिया कार्यक्रम गरेको छ।
कार्यक्रममा सहभागीहरुलाई पुँजीबजारका विभिन्न पक्ष र गतिविधिबारे जानकारी गराइएको छ। कार्यक्रमपछि सहभागीहरुबाट सोधिएका विभिन्न जिज्ञासाहरुको सम्बोधन गरिएको थियो।
एनएमबि सरल बचत फन्ड–इका स्किम व्यवस्थापक प्रतिल कोजू र स्किम सहायक सुनिता कस्तीले संयुक्त रुपमा उक्त कार्यक्रम सञ्चालन गरेका थिए। आगामी दिनहरुमा पनि कम्पनीले देशका विभिन्न ठाउँहरुमा यस्ता कार्यक्रमलाई निरन्तरता दिने जनाएको छ।
