काठमाडौं । बैंकिङ प्रणालीबाट एकैदिन १० अर्ब रुपैयाँ बाहिरिएको छ।
नेपाल राष्ट्र बैंकको तथ्यांकअनुसार पुस २४ गते बैंक तथा वित्तीय संस्थाको निक्षेप १० अर्ब रुपैयाँले घटेको हो। योसँगै कुल निक्षेप ६६ खर्ब ८१ रुपैयाँमा झरेको छ। अघिल्लो दिन पुस २३ गतेसम्म बैंक तथा वित्तीय संस्थाको कुल निक्षेप ६६ खर्ब ९१ अर्ब रुपैयाँ पुगेको थियो।
पुस २४ मा वाणिज्य बैंकहरुको कुल निक्षेप १० अर्ब रुपैयाँले घटेर ५९ खर्ब ४२ अर्ब रुपैयाँमा झरेको छ। अघिल्लो दिनसम्म कुल निक्षेप ५९ खर्ब ५१ अर्ब रुपैयाँ थियो।
बैंक तथा वित्तीय संस्थाको कुल कर्जा लगानी पुस २४ मा एकैदिन ७ अर्ब रुपैयाँले बढेर ५३ खर्ब ८२ अर्ब रुपैयाँ पुगेको छ। अघिल्लो दिनसम्म कुल कर्जा लगानी ५३ खर्ब ७५ अर्ब रुपैयाँ थियो।
बैंक तथा वित्तीय संस्थाको औसत सीडी रेसियो पुस २४ मा सामान्य बढेर ७९.२७ प्रतिशत पुगेको छ। अघिल्लो दिनसम्म औसत सीडी रेसियो ७९.०५ प्रतिशत थियो। अन्तरबैंक ब्याजदर भने ३ प्रतिशत रहेको छ।
