काठमाडौं । नेपाल बीमा प्राधिकरणमा प्रवक्ता र सहप्रवक्ताको जिम्मेवारी तोकिएको छ। प्राधिकरण सञ्चालक समितिले प्रवक्ताको जिम्मेवारी सुशीलदेव सुवेदीलाई दिने निर्णय गरेको हो। उनी प्राधिकरणमा निर्देशक छन्।
यसअघि प्राधिकरणको प्रवक्ताको भूमिकामा राजुरमण पौडेल थिए। उमेर हदका कारण कार्यकारी निर्देशकसमेत रहेका पौडेल केही दिनअघि मात्रै सेवाबाट निवृत्त भएका थिए।
यसैगरी प्राधिकरणमा सहप्रवक्ताको जिम्मेवारी पुनम ज्ञवाली श्रेष्ठलाई दिइएको छ। उनी प्राधिकरणमा उपनिर्देशक छिन्।
