काठमाडौं । आज शेयर बजार नेप्से परिसूचक ३७ दशमलव १८ अंकले घटेको छ । आज ३ अर्ब १२ करोड ८३ लाख ४१ हजार रुपैयाँको शेयर कारोबार हुँदा सबैभन्दा धेरै प्राइम कमर्सियल बैंकको कारोबार भएको छ । बैंकको १२ करोड ३६ लाख रुपैयाँको शेयर कारोबार भएको छ । आज कम्पनीको बुक क्लोज पनि भएको हो । आज कम्पनीको शेयर मुल्य ४४३ रुपैयाँ रहेको छ ।
त्यस्तै,महालक्ष्मी विकास बैंकको ११ करोड ८६ लाख रुपैयाँको शेयर कारोबार भएको छ । आइसीएफसी फाइनान्स कम्पनीको ११ करोडको शेयर कारोबार भएको छ । अपि पावर कम्पनीको १० करोड ४० लाख रुपैयाँको शेयर कारोबार भएको छ । अपि पावर कम्पनीको शेयर मुल्य आज ४४५ रुपैयाँ रहेको छ ।
