काठमाडौं । यो साता शेयर बजारमा ४ दिनमात्रै कारोबार भएको छ। यो ४ दिनै शेयर बजार बढेको छ।
गत साता बिहीबार नेप्से परिसूचक २०१८.७६ को विन्दुमा बन्द भएको थियो। यो साता बुधबार नेप्से परिसूचक बढेर २१३१.४९ को विन्दुमा बन्द भएको छ। यो हिसाबले यो ४ दिनमा नेप्से ११२.७३ अंक अर्थात ५.५८ प्रतिशतले बढेको छ।
बजार बढ्दा यो साता नेप्से उपसमूहमा रहेका १३ वटै समूह उकालो लागेको छ। सर्वाधिक बढोत्तरी बैंकिङ समूहमा देखिएको छ। यो साता बैंकिङ समूहमा उछाल आएको छ। बैंकिङ समूह १३.४४ प्रतिशतले बढेको छ।
यो साता नेप्सेको कुल बजार पुँजीकरण बढेर ३३ खर्ब ७९ अर्ब ९१ करोड रुपैयाँ पुगेको छ। अघिल्लो साता बिहीबारसम्म नेप्सेको कुल बजार पुँजीकरण ३२ खर्ब १ अर्ब १६ करोड रुपैयाँ थियो। यस हिसाबले लगानीकर्ताको सम्पत्ति १ खर्ब ७८ अर्ब ७४ करोड रुपैयाँले बढेको छ। यो भनेको ५.५८ प्रतिशतको बढोत्तरी भएको हो।
