प्रिमियर इन्स्योरेन्सले असार ३१ गते साधारणसभा आह्वान गरेको छ । कम्पनीको साधारणसभा बिहान १० बजे काठमाडौँको नक्साल स्थिति नक्साल ब्याङक्वेटमा बस्ने भएको छ ।
साधारणसभाको सूचना अनुसार कम्पनीले घोषणा गरेभन्दा बढी बोनस दिने प्रस्तावमा लैजाने उल्लेख गरेको छ । कम्पनीले यस अघि लगानीकर्तालाई गत आर्थिक बर्षको मुनाफाबाट ७९ दशमलव ६९ प्रतिशत बोनस शेयर र ४.२० प्रतिशत नगद लाभांश दिने घोषणा गरेका थियो । तर साधारणसभाको सूचनामा कम्पनीले ८४ प्रतिशत नै बोनस वितरण गर्ने त्यसमा लाग्ने कर लगानीकर्ता स्वयंले बेहोर्नु पर्ने उल्लेख गरेको छ ।
कम्पनीले निर्जीवन व्यवसाय गर्ने उपयुक्त कम्पनीसंग गाम्भ्ने , गाभिने र प्राप्ति गर्ने प्रयोजनको लागि संचालक समितिलाई अख्तियारी दिने प्रस्ताव पनि सभामा लैजाने भएको छ ।
कम्पनीले साधारणसभा प्रयोजनको लागि असार २० गतेदेखि बुक क्लोज गर्ने निर्णय गरेको छ। असार १९ गतेसम्म कायम शेयरधनीले मात्र साधारणसभामा भाग लिन कम्पनीको लाभांश प्राप्त गर्ने सक्ने छन् । हाल कम्पनीको चुक्ता करोड ५८ करोड ४० लाख रहेको छ ।
