काठमाडौं । प्रधानमन्त्री केपी शर्मा ओलीले आउँदो साउन ६ गते (आइतबार) विश्वासको मत लिने भएका छन्।
नेकपा एमाले अध्यक्ष ओली संविधानको धारा ७६ (२) अनुसार असार ३० गते प्रधानमन्त्री नियुक्त भएका थिए। संविधानको धारा ७६ (४) बमोजिम प्रधानमन्त्रीमा नियुक्त भएको ३० दिनभित्र विश्वासको मत लिनुपर्छ।
प्रधानमन्त्रीले विश्वासको मत लिनेबारे बुधबार संसद सचिवालयलाई औपचारिक पत्र गइसकेको छ। २७५ सदस्यीय प्रतिनिधिसभामा बहुमतका लागि १३८ मत चाहिन्छ। ओलीसँग दुई तिहाइ बहुमत रहेको छ।
हाल सत्तागठबन्धनमा रहेका दलहरु नेपाली कांग्रेससँग ८८ सांसद, एमालेसँग ७९ सांसद, जसपासँग ७ सांसद र लोसपासँग ४ सांसद रहेका छन्।
