बीमा समितिका अध्यक्ष चिरञ्जीवी चापागाईले बीमा कम्पनीहरुलाई कडा कारवाही गर्ने चेतनावती दिएका छन् ।कम्पनीहरुले साधारण सभा गरेपछि समितिले तोकेको चुक्ता पूँजी कायम नगरे कडा कारवाही गरिने बताएका हुन् ।
बुधबार काठमाडौमा आयोजित सगरमाथा इन्स्योरेन्स कम्पनीका अनलाईन बीमा पोलिसी शुभारम्भ कार्यक्रमलाई सम्बोधन गर्दै कम्पनीहरुलाई साधारण सभा गर्ने समयसम्म समिति मौन बसेको बताए ।
‘एनएफआरएसका कारण कम्पनीहरुलाई वित्तीय विवरण समयमा नै प्रकाशन गर्न कठिन भएको हो । साधारण सभा नहुँदा चुक्ता पूँजी कायम हुन नसकेको हो । तर, सभा पनि पूँजी पुराउँनु होस । फेरी समितिले कडा कारवाही गर्न नपरोस्,’ उनले भने ।
कार्यक्रम बोल्दै अध्यक्ष चापागाईले बीमा समितिले निर्जीवन बीमामा पनि छुटको व्यवस्था स्थानिय सरकारसँग छलफल भै रहेको बताए । निर्जीवन बीमा गर्दा दुई हजारमा कर छुट दिन सकियो भने पनि मानिसहरुलाई बीमा आकर्षित गर्न सकिने उनले बताए । यसका लागि प्रत्येक स्थानिय निकायसँग छलफल गरिएको उनले बताए ।
बीमा समितिले जीवन बीमा कम्पनीलाई दुई अर्ब र निर्जीवन बीमा कम्पनीलाई एक अर्ब रुपैयाँ चुक्ता पूँजी तोकेको छ । समितिले २०७५ असार मसान्त भित्रमा उक्त पूँजी कायम गर्न निर्देशन दिए पनि अधिकांश कम्पनीहरुले पूँजी कायम गर्न सकेका छ्रैनन् ।
