काठमाडौं । पिपुल्स हाइड्रोपावर कम्पनी लिमिटेडले मंसिर २३ गते वार्षिक साधारण सभा गर्ने भएको छ ।कम्पनीको कात्तिक २९ गते बसेको सञ्चालक समितिको बैठकले साधारण सभा गर्ने निर्णय गरेको हो ।
कम्पनीले सभा क्वालिटी ब्यक्वेट, बुद्धनगर, काठमाडौंमा दिनको ११ः३० बजे गर्ने जनाएको छ ।
सभामा कम्पनीले आईपीओ जारी गर्ने, आयोजना प्रभावित क्षेत्रका बासिन्दालाई शेयर जारी गर्ने, कम्पनीको प्रवन्धपत्र तथा नियमावलीमा संशोधन गर्ने प्रस्ताव पारित गर्नेछ ।
त्यस्तै, सभामा कम्पनीले सुपरदोर्दी इन्भेष्टमेण्टाई मर्जर गर्ने भएकाले सो सम्बन्धी गरेका सम्पूर्ण कार्य अनुमोदन गर्ने साथै, मर्जर सम्बन्धी कार्यका लागि नियमनकारी निकायबाट कुनै निर्देशन आएमा सो कार्य गर्न सञ्चालक समितिलाई अख्तियारी दिने लगायतका प्रस्तावहरु पारित गर्ने जनाएको छ ।
