काठमाडौं । नेसनल फन्ड म्यानेजमेन्टले आफ्ना शेयरधनीहरुलाई ५० प्रतिशत हकप्रद शेयर बिक्री खुला गर्ने भएको छ।
कम्पनीको जेठ २५ को विशेष साधारणसभाबाट पारित भई सञ्चालक समितिको निर्णयबमोजिम चुक्तापुँजी ५४ करोड रुपैयाँको २ः१ अनुपातमा अर्थात ५० प्रतिशत हकप्रद शेयर बिक्री खुला गर्ने निर्णय गरेको छ। कम्पनीले ५० रुपैयाँ अंकित दरका कुल २७ करोड रुपैयाँको हकप्रद शेयर जारी गर्नेछ।
कम्पनीका अनुसार असार १९ गतेबाट साउन २२ गतेसम्म हकप्रद शेयर बिक्री खुला गरिनेछ। यो हकप्रदमा गत जेठ ३२ गतेसम्म कायम संस्थापक शेयरधनीहरुले खरिद आवेदन दिन पाउनेछन्।
इच्छुक संस्थापक शेयरधनीले सानिमा बैंकमा रहेको कम्पनीको बैंक खाता ९१००१००१००००२४६ मा रकम जम्मा गरेको भौचर कम्पनीको कार्यालयमा बुझाउनुपर्नेछ। भौचरअनुसारको चेक भुक्तान हुन नसकेमा उक्त दरखास्त रद्द हुने कम्पनीले स्पष्ट पारेको छ।
