काठमाडौं । साताको पहिलो कारोबार दिन आइतबार शेयर बजार दोहोरो अंकले बढेको छ। नेप्से परिसूचक आज ३१.६२ अंकले बढेर २१२०.६२ को विन्दुमा उक्लिएको छ। सेन्सेटिभ इन्डेक्स पनि ४.०२ अंकले बढेर ३८८.१७ को विन्दुमा बन्द भएको छ।
बजार बढ्दा २११ कम्पनीको शेयरभाउ बढेको छ भने ३३ वटाको शेयरभाउ घटेको छ। तीनवटा कम्पनीको शेयरभाउ स्थिर रहेको छ।
नेप्से उपसमूहमा रहेका १३ वटामध्ये ११ वटा समूह बढेको छ भने २ वटा घटेको छ। आज जलविद्युत समूह सर्वाधिक ४.५८ प्रतिशतले बढेको छ भने व्यापार समूह सर्वाधिक ०.९४ प्रतिशतले घटेको छ।
आज ३१४ वटा सूचीकृत कम्पनीको १ करोड ६६ लाख ५ हजार २३४ कित्ता शेयर ५ अर्ब ४५ करोड ४ लाख २१ हजार ८०६.४० रुपैयाँमा किनबेच भएका छन्। आज १० वटा कम्पनीको शेयरभाउमा सकारात्मक सर्किट लागेको छ भने नेपाल रिइन्स्योरेन्सको संस्थापक शेयरको सर्वाधिक कारोबार भएको छ।
