काठमाडौं । नेपाल स्टक एक्सचेञ्जमा दुई कम्पनीको शेयरमूल्य समायोजन भएको छ। हिमालयन ऊर्जा विकास कम्पनी र नागरिक लगानी कोषको शेयरमूल्य समायोजन भएको हो।
हिमालयन ऊर्जाको शतप्रतिशत हकप्रद शेयरको लागि मूल्य समायोजन भएको छ। बुधबारको अन्तिम शेयर मूल्य २६९ रुपैयाँको आधारमा शेयरमूल्य समायोजन भई प्रतिकित्ता मूल्य १८४.५० रुपैयाँ कायम भएको छ।
यसैगरी, लगानी कोषको १४ प्रतिशत बोनश शेयरमा मूल्य समायोजन भएको छ । समायोजपश्चात कम्पनीको शेयरमूल्य प्रतिकित्ता १ हजार ८७३.६८ रुपैयाँ कायम भएको छ। अघिल्लो कारोबार दिन अर्थात बुधबार दोस्रो बजारमा कम्पनीको शेयर प्रतिकित्ता २ हजार १३६ रुपैयाँमा अन्तिम कारोबार भएको थियो।
