काठमाडौं । नेपाल स्टक एक्सचेन्ज (नेप्से)मा २ कम्पनीको करिब २ करोड कित्ता शेयर थपिएको छ।
नेप्सेमा ग्लोबल आइएमई बैंक र छिमेक लघुवित्त वित्तीय संस्थाको २ करोड २२ लाख ५२ हजार ५६१.३१ कित्ता बोनस शेयर थपिएको छ। जसमा ग्लोबल आइएमई बैंकको १ करोड ९८ लाख ७० हजार ८२३.६३ कित्ता र छिमेक लघुवित्तको २३ लाख ८१ हजार ७३७.६८ कित्ता शेयर रहेका छन्।
यी दुवै कम्पनीले गत आर्थिक वर्ष २०८०।८१ मा वितरण गरेको बोनस शेयर नेप्सेमा सूचीकत भएको हो। गत आर्थिक वर्षमा ग्लोबल आइएमई बैंकले ५.५ प्रतिशत र छिमेक लघुवित्तले ८ प्रतिशत बोनस शेयर वितरण गरेका थिए।
